U Śvietłahorskim rajonie try čałavieki zahinuli paśla sutyknieńnia lehkavika ź bienzavozam
Pavodle infarmacyi DAI, na 18‑m kiłamietry aŭtadarohi N-5011 «Śvietłahorsk — Sasnovy Bor — Paleśsie» 46‑hadovy kiroŭca aŭtamabila Mazda nie spraviŭsia z kiravańniem, vyjechaŭ na pałasu sustrečnaha ruchu i sutyknuŭsia ź bienzavozam MAZ, jaki ruchaŭsia nasustrač.
U vyniku sutyknieńnia na miescy zahinuli kiroŭca lehkavoha aŭtamabila, jaho 11‑hadovaja pasažyrka i 78‑hadovaja žančyna.
Jašče dvoje pasažyraŭ — 8‑hadovy chłopčyk i 51‑hadovaja žančyna — atrymali traŭmy i byli dastaŭlenyja ŭ balnicu.
Pa daručeńni ministra ŭnutranych spraŭ Ivana Kubrakova na miesca trahiedyi vyjechaŭ časovy vykanaŭca abaviazkaŭ načalnika Hałoŭnaha ŭpraŭleńnia DAI MUS Andrej Harkuša.