Byłoj ambasadarcy Ukrainy ŭ ZŠA Volzie Stefanišynaj vystavili abvinavačańnie ŭ karupcyi
Uładzimir Zialenski jaje tolki zaŭčora zvolniŭ.
Volha Stefanišyna. Fota: Ofis prezidenta Ukrainy
Nacyjanalnaje antykarupcyjnaje biuro i Śpiecyjalizavanaja antykarupcyjnaja prakuratura Ukrainy 5 žniŭnia abviaścili padazreńnie byłoj vice-premjercy i eks-pasłu Ukrainy ŭ ZŠA Volzie Stefanišynaj, piša RBK-Ukraina.
Pravaachoŭniki padazrajuć 40‑hadovuju čynoŭnicu ŭ niezakonnym abahačeńni i padačy niedakładnaj infarmacyi ŭ dekłaracyi.
Vyšejšy antykarupcyjny sud Ukrainy ŭžo pačaŭ razhlad spravy pa abrańni dla jaje miery strymańnia. Advakaty Stefanišynaj chadajničali pra praviadzieńnie sudovych pasiadžeńniaŭ u zakrytym režymie.
Rasśledavańnie ŭ dačynieńni da Stefanišynaj tryvaje ŭžo peŭny čas: jašče ŭ kancy lipienia NABU i SAP praviali ŭ jaje vobyski. Dakładna nie viadoma, u čym jaje vinavaciać. ŚMI pišuć viersiju, što ŭ pieryjad pracy va ŭradzie i dypłamatyčnym korpusie jana aformiła na svajakoŭ i davieranych asob šerah elitnych abjektaŭ nieruchomaści, vartaść jakich značna pieravyšaje jaje aficyjnyja dachody.
Sama Stefanišyna raniej adkidała abvinavačańni i śćviardžała, što nieruchomaść była kuplena jaje baćkami za košt daŭnich inviestycyj.
U paniadziełak, 3 žniŭnia, stała viadoma, što Zialenski vyzvaliŭ Stefanišynu ad pasady pasła ŭ ZŠA. Stefanišyna ž paviedamiła, što pajšła ŭ adstaŭku pa ŭłasnym žadańni.