Abvieščany doŭhi śpis premii imia Michała Aniempadystava — 2026
Žury premii imia Michała Aniempadystava vyznačyła 24 knižnyja vokładki, što ŭvajšli ŭ doŭhi śpis 2026 hoda.
Jany byli adabrany z 59 prac, padadzienych na konkurs, i pradstaŭlajuć šyroki śpiektr sučasnaha biełaruskaha knižnaha dyzajnu — ad łakaničnaha minimalizmu da składanych vizualnych sistem, ad vytančanaj pracy z typahrafikaj da śmiełych hrafičnych ekśpierymientaŭ, piša penbelarus.org.
U doŭhi śpis uvajšli:
- Andrej Adamovič — vokładka knihi «Mietafizika sraki» Sakrata Chalery (Łysy čerap, 2025)
- Pavieł Ancipaŭ, Ihar Juchnievič — vokładka knihi «Kuda-nibud́ prijezžať čto-nibud́ diełať i ujezžať» Paŭła Ancipava (Mianie Niama, 2025)
- Aŭtar V — vokładka knihi «W» (zašyfravany ŭdzieł)
- Anastasija Višniakova — vokładka knihi «Lubyja kości» Katryny Zile (Pflaŭmbaŭm, 2025)
- Taćciana Dzivakova — vokładka knihi «Radzina» Zbycha Słupoŭskaha (Halijafy, 2025)
- Dźmitryj Dźmitryjeŭ, Andrej Fiadorčanka — vokładka knihi «Codex. Imago. Index» Dźmitryja Dźmitryjeva (Łysy čerap, 2025)
- Aŭtar K — vokładka knihi «K» (zašyfravany ŭdzieł)
- Kaciaryna Nieściarovič, Jakub Smoŭžyk — vokładka knihi «Viecier z Uschodu, viecier z Zachadu» Perł Bak (Gutenberg Publisher, 2025)
- Alena Niadzielskaja — vokładka knihi «Ja — toje miasa, jakoje pryhatavaŭ Źmicier» Źmitra Višniova (Skaryna Press, 2025)
- Alaksandr Pažytak, Ihar Juchnievič — vokładka knihi «Dziońnik 2021—2022» ananimnaj aŭtarki (Mianie Niama, 2025)
- Maryja Płatonava — vokładka knihi «Kazki haradskoha parku» Alaksandra Ždanoviča (Gutenberg Publisher, 2025)
- Ptuška — vokładka knihi «Volny kosmas» (zašyfravany ŭdzieł)
- Volha Safarava — vokładka knihi «Kryptastvały. Historyja ŭźlotu i padzieńnia tałačynskich samorodkaŭ» Źmitra Burbucia (RozUM Media, 2025)
- Jakub Smoŭžyk — vokładki sieryi knih «Akno ŭ prozu» (Gutenberg Publisher, 2025)
- Siarhiej Tabalevič, Jakub Smoŭžyk — vokładka knihi «Chałodnyja ziemli» Alaksandra Karnaŭcha (Gutenberg Publisher, 2025)
- Zosia Truskałka — vokładka knihi «Kudy palacieŭ matylok» (zašyfravany ŭdzieł)
- Zosia Truskałka — vokładka knihi «Leta ŭ vioscy» (zašyfravany ŭdzieł)
- Daryna Charytončyk — vokładka knihi «Siabry ŭ dvary» Aleny Zarnickaj (Gutenberg Publisher, 2025)
- Lina Chiese, Ihar Juchnievič — vokładka knihi «Biespracoŭnaje dreva» Śviety Bień, Liny Chiese (Mianie Niama, 2025)
- Julija Cimafiejeva, Taciana Šustava — vokładka knihi «Krovazvarot» Julii Cimafiejevaj (Andrei Yanushkevich Publishing, 2025)
- Siarhiej Šabochin — vokładka knihi «Dubovyje jabłočki» Volhi Kaściuk (Skaryna Press, 2025)
- Siarhiej Šabochin — vokładka knihi «Body in Progress; Ciełam svaim…» Hanny Komar (Skaryna Press, 2025)
- Julija Šatun, Ihar Juchnievič, Alaksandr Pažytak — vokładka knihi «Každyj vidieł etot horod v kakom-nibud́ druhom miestie» Julii Šatun (Mianie Niama, 2025)
- Taćciana Šustava — vokładka knih «Tvory» (tamy 1, 2) Chorchie Łuisa Borchiesa (Andrei Yanushkevich Publishing, 2025)
Pahladzieć usie vokładki knih možna na sajcie premii aniempadystau.penbelarus.org.
Premija nosić imia vydatnaha biełaruskaha mastaka, dyzajniera, paeta i kulturołaha Michała Aniempadystava, jaki značna paŭpłyvaŭ na vizualnuju kulturu Biełarusi. Zasnavanaja ŭ 2019 hodzie, premija praciahvaje ŭšanoŭvać jaho tvorčuju spadčynu, adznačajučy aŭtaraŭ, jakija praz dyzajn knižnaj vokładki stvarajuć novyja vizualnyja historyi.