Pad Jekaciarynburham padarvali mašynu dyrektara zavoda pa vytvorčaści dronaŭ. Jon u reanimacyi
Kiroŭca-achoŭnik zahinuŭ.
Pad Jekaciarynburham vybuchnuŭ aŭtamabil Mercedes hiendyrektara «Urałdronzavoda» Uładzimira Tkačuka. Jon ciažka paranieny.
Pradpryjemstva Tkačuka zajmajecca raspracoŭkaj i vytvorčaściu FPV-dronaŭ «Upyr» dla armii RF, a sam jon źviazany z bujnym pravajennym Telegram-kanałam «Poviornutyje na vojnie» i raniej asabista demanstravaŭ svaje BPŁA Uładzimiru Pucinu.
Tkačuk znachodziŭsia ŭ mašynie na pasažyrskim siadzieńni. Pavodle danych Mash, vadziciel-achoŭnik zahinuŭ na miescy. Pa fakcie vybuchu raspačata kryminalnaja sprava.
Heta ŭžo druhi za apošni čas zamach na kiraŭnikoŭ rasijskich pradpryjemstvaŭ u śfiery BPŁA: 29 lipienia ŭ Tule nieviadomy trochrazova stralaŭ u dyrektara kampanii «Ruskaja łabaratoryja pavietranaha transpartu» Andreja Čerazava. Jon vyžyŭ.