10‑hadovy chłopčyk u Minsku addaŭ afierystam $200 tysiač
Hetyja hrošy baćki sabrali dla pakupki kvatery.
42‑hadovy žychar Minska źviarnuŭsia ŭ milicyju z zajavaj pra źniknieńnie z kvatery siamiejnych hrošaj na sumu kala 200 tysiač dołaraŭ. Mužčyna padazravaŭ santechnika, jakoha nibyta ŭpuściŭ u chatu jaho 10‑hadovy syn, adnak hrošy vynies sam čaćviortakłaśnik.
Schiema była standartnaj. Chłopčyku patelefanavali ašukancy. Spačatku pad vyhladam zamieny damafona jaho pierakanali pieradać kod z SMS, a paśla praź videasuviaź ź im źviazaŭsia nibyta milicyjant. Toj zajaviŭ, što baćkam pahražaje kryminalnaja adkaznaść za machlarstva, i zapatrabavaŭ zadekłaravać usie najaŭnyja hrošy.
Viedajučy, dzie lažać srodki na kvateru, dzicia ŭ dva etapy vyniesła z domu 160 tysiač dołaraŭ, 30 tysiač jeŭra dy 30 tysiač rubloŭ.
Pa instrukcyi złačyncaŭ chłopčyk pakinuŭ kupiury ŭ kustach niepadalok ad doma, paśla čaho jamu zahadali jak maha daŭžej nie viartacca dadomu i ničoha nie raskazvać.
Kurjera, jaki zabraŭ hrošy, milicyjanty zatrymali, ale hrošy toj užo adpraviŭ za miažu.
Milicyja piša, što školnik raniej naviedvaŭ prafiłaktyčnyja lekcyi milicyi i abmiarkoŭvaŭ ašukanskija schiemy z baćkami, ale pad psichałahičnym ciskam kurataraŭ razhubiŭsia.