U Ispanii ŭ kamiery zachoŭvańnia supiermarkieta zabylisia urnu z pracham

U ispanskim horadzie Bienidorm u kamiery zachoŭvańnia adnaho z supiermarkietaŭ znajšli pachavalnuju urnu z pracham. Niezvyčajnuju znachodku vyjaviła zahadčyca kramy padčas pravierki kamier, paviedamlaje Euronews.

Fota: Policía Local de Benidorm

Miascovaja palicyja pačała pošuk svajakoŭ pamierłaha, adnak pakul nichto nie paviedamiŭ pra źniknieńnie urny. Kab dapamahčy ŭstanavić jaje ŭładalnikaŭ, pravaachoŭniki apublikavali fatahrafiju znachodki i źviarnulisia pa dapamohu da hramadzian.

U palicyi adznačyli, što ŭ kamierach zachoŭvańnia pakupniki zvyčajna zabyvajuć klučy, kašalki abo mabilnyja telefony, ale nie pachavalnyja urny.

Kali znajści svajakoŭ nie ŭdasca, urnu pieradaduć na zachoŭvańnie na haradskija mohiłki Bienidorma, dzie jana budzie znachodzicca da taho času, pakul pa jaje nie źviernucca zakonnyja ŭładalniki.

Kamientary da artykuła