U Žytkavickim rajonie ŭžo druhi dzień tušać lasny pažar
Z učarašniaha dnia ŭ Žytkavickim rajonie tušać mocny lasny pažar. Pavodle infarmacyi Ministerstva pa nadzvyčajnych situacyjach, 4 žniŭnia da rabot dadatkova pryciahnuli viertalot Mi-8 avijacyi MNS.
Skrynšot ź videa
Za dva dni viertaloty MNS vykanali 115 skidaŭ vady ahulnym abjomam kala 290 ton. Ahulny čas ich palotaŭ skłaŭ 19 hadzin.
Na hety momant avijacyja ŭžo zaviaršyła pracu na miescy pažaru. Dalejšaje nazirańnie za terytoryjaj i praliŭku asobnych ačahoŭ uzharańnia buduć pravodzić naziemnyja padraździaleńni da poŭnaj likvidacyi pažaru.
3 žniŭnia MNS paviedamlała, što pažar udałosia łakalizavać. Tady jaho płošča składała kala piaci hiektaraŭ, a viertalot za 18 vyletaŭ skinuŭ na ahoń 54 tony vady.
Čytajcie taksama:
Tolki ŭ piaci rajonach Biełarusi dazvolena svabodna naviedvać lasy
U Hrecyi lasnyja pažary achapili vakolicy Afinaŭ
Lasnyja pažary razbušavalisia na Krycie: tam evakujavali tysiačy čałaviek