Rasijski dron haniaŭsia za pradaŭcom na vulicy Chiersona i vybuchnuŭ VIDEA
Nacyjanalnaja palicyja apublikavała kadry prycelnaj ataki rasijskaha bieśpiłotnika na zvyčajnaha pradaŭca ŭ Chiersonie.
Skryn videa
Na videa bačna, jak dron, abstalavany katuškaj z optavałaknom, metanakiravana pieraśleduje čałavieka. Vykarystańnie optavałakonnaj suviazi zabiaśpiečvaje apierataru vysokuju jakaść vyjavy bieź pieraškod ad srodkaŭ REB — heta aznačaje, što rasijski vajskoviec vyrazna bačyŭ i ŭśviedamlaŭ, što atakuje biazzbrojnaha mirnaha žychara, jaki nie mieŭ anijakich prykmiet vajskoŭca i prosta handlavaŭ na rynku, piša vajenny ahladalnik Jan Maćviejeŭ.
Mužčyna da apošniaha zmahaŭsia za žyćcio, manieŭravaŭ i biehaŭ vakoł pieraškod.
Pavodle danych Nacyjanalnaj palicyi Ukrainy, u vyniku ataki 52‑hadovy žychar Mikałajeŭskaj vobłaści vyžyŭ.
Jon atrymaŭ traŭmy ad vybuchu, askiepkavyja rany i kantuziju, ciapier miedyki akazvajuć jamu nieabchodnuju dapamohu.
Pravaachoŭnyja ža orhany Ukrainy dakumientujuć čarhovaje vajennaje złačynstva RF suprać cyvilnaha nasielnictva.