13‑hadovaha matacyklista zatrymali ŭ Baranavickim rajonie
Supracoŭniki DAI pablizu vioski Małaja Kałpienica źviarnuli ŭvahu na kiroŭcu matacykła, jaki, zaŭvažyŭšy słužbovy aŭtamabil, źjechaŭ z darohi ŭ pole. Nieŭzabavie jaho spynili.
Za rulom znachodziŭsia 13‑hadovy padletak. Jon rastłumačyŭ, što ŭziaŭ matacykł u svajho dzieda, paviedamlaje abłasnaja milicyja.
Sabranyja ŭ dačynieńni da niepaŭnaletniaha materyjały buduć nakiravanyja ŭ kamisiju pa spravach niepaŭnaletnich dla razhladu.
U adpaviednaści z art. 18.14 Kodeksa RB ab administracyjnych pravaparušeńniach za pieradaču kiravańnia transpartnym srodkam asobie, jakaja nie maje na heta prava, da administracyjnaj adkaznaści budzie pryciahnuty i dzied padletka.
Matacykł dastaŭleny na achoŭnuju stajanku.