Ozon u Rasii pačaŭ vyvozić darahija tavary sa składoŭ u punkty vydačy zakazaŭ na fonie atak bieśpiłotnikaŭ
Pieramiaščeńnie tavaraŭ pačałosia ŭ noč na 2 žniŭnia.
Markietpłejs paviedamiŭ častcy pradaŭcoŭ, što niekatoryja tavary, jakija zachoŭvajucca na jaho składach, buduć pieramieščanyja ŭ najbližejšyja punkty vydačy zakazaŭ, piša «Kommiersant». Pry hetym pradaŭcam nie daviadziecca apłačvać pieravozku.
Pavodle słoŭ adnaho z pradaŭcoŭ, pieramiaščeńnie tavaraŭ pačałosia ŭ noč na 2 žniŭnia. Miery zakranuli abmiežavanuju častku asartymientu — pieravažna darahuju bytavuju techniku, elektroniku i brendavyja rečy, adznačaje vydańnie. U kampanii Ozon admovilisia kamientavać situacyju.
Apytanyja ekśpierty źviazvajuć hetaje rašeńnie z ryzykaj atak bieśpiłotnikaŭ na łahistyčnuju infrastrukturu. Akramia taho, strachavyja kampanii, ź jakimi Ozon 31 lipienia zaklučyŭ pahadnieńnie ab kampiensacyi mahčymych strat u vypadku atak, mahli zapatrabavać raźmierkavać darahija tavary pa roznych punktach zachoŭvańnia, kab źnizić mahčymyja ryzyki.
Ź siaredziny lipienia ŭkrainskija bieśpiłotniki ŭdaryli ŭžo pa dvuch dziasiatkach składach Wildberries.