Tramp nazvaŭ mahčymuju datu adkryćcia Armuzskaha praliva
ZŠA i Iran chutka prasoŭvajucca ŭ pieramovach i abmiarkoŭvajuć poŭnaje adnaŭleńnie narmalnaha sudnachodstva ŭ Armuzskim pralivie ŭžo siońnia, 4 žniŭnia. Pra heta Tramp skazaŭ u razmovie z žurnalistami.
Maps4media via Getty Images
«My abmiarkoŭvajem praliŭ, jaho adkryćcio litaralna da zaŭtrašniaha dnia. Poŭnaje adkryćcio», — skazaŭ Tramp učora žurnalistam u Biełym domie.
Prezident jašče raz zapeŭniŭ, što prachod praz praliŭ budzie biaspłatnym dla ŭsich sudnaŭ, pakolki ZŠA ŭstalavali poŭny kantrol nad hetym marskim šlacham i nie dazvolać Iranu spahaniać nijakich płaciažoŭ.
«Ja nie dazvolu im spahaniać nijakaj płaty. Jany nie buduć brać płatu, my nie abmiarkoŭvajem nijakich płaciažoŭ», — zajaviŭ Tramp.
Pavodle słoŭ prezidenta, adnaŭleńnie narmalnaha sudnachodstva stanie tolki pieršym krokam, paśla jakoha baki piarojduć da druhoha etapu — pieramovaŭ adnosna jadziernaj prahramy Tehierana.
«Druhi etap budzie zaklučacca ŭ tym, što my budziem havaryć pra jadziernuju prahramu. Iran pavinien prajści dejadzieryzacyju, jon nie moža vałodać jadziernaj zbrojaj», — padkreśliŭ Tramp.