U Buda-Kašaloŭskim rajonie znajšli novy dla krainy vid lišajniku
Supracoŭniki łabaratoryi mikałohii padčas invientaryzacyi hrybnoj i lišajnikavaj fłory ŭ respublikanskim bijałahičnym zakaźniku «Buda-Kašaloŭski» znajšli novy dla Biełarusi vid lišajniku — Chaenothecopsis oregana Rikkinen, paviedamiŭ Instytut ekśpierymientalnaj bataniki NAN Biełarusi.
Fota: t.me/botanyby
Znachodka była zroblena ŭ kiśličnaj dubrovie na smale jełki jeŭrapiejskaj.
Fota: t.me/botanyby
Hety vid upieršyniu byŭ apisany finskimi navukoŭcami ŭ 2003 hodzie ŭ Paŭnočnaj Amierycy — u amierykanskim štacie Arehon. Tady jaho znajšli na smale pichty vialikaj (Abies grandis).
Paźniej lišajnik pačali znachodzić i ŭ Jeŭropie: Šviejcaryi (2010 hod), Ispanii (2011 hod), Łatvii (2024 hod) i Estonii (2025 hod). Pa stanie na 2026 hod u śviecie viadoma kala 20 miescaŭ znachodžańnia hetaha vidu, pryčym bolšaja častka ź ich raźmieščanaja ŭ ZŠA.
U 2020 hodzie Chaenothecopsis oregana byŭ uklučany ŭ Mižnarodny Čyrvony śpis vidaŭ, jakim pahražaje źniknieńnie, jak uraźlivy vid (katehoryja VU).
Asablivaść biełaruskaj znachodki ŭ tym, što ŭ zakaźniku «Buda-Kašaloŭski» na smale jełki było vyjaŭlena kala 400 asobnych pładovych ciełaŭ lišajniku. Heta adna z samych bujnych viadomych papulacyj hetaha vidu ŭ śviecie.
Čytajcie taksama:
U paleskich lasach znajšli niezvyčajny dla Biełarusi hryb
Novy vid antarktyčnych lišajnikaŭ nazvali ŭ honar biełaruskaha daśledčyka
U Biełarusi znajšli novy hryb i nazvali jaho ŭ honar Skaryny