Biełarus patanuŭ u Śvisłačy, zajšoŭšy ŭ vadu pa kalena
Trahiedyja adbyłasia 1 žniŭnia kala vioski Błužski Bor Puchavickaha rajona na race Śvisłač, paviedamlaje Tavarystva ratavańnia na vodach.
Fota: Tavarystva ratavańnia na vodach
42‑hadovy mužčyna znachodziŭsia ŭ vadzie, hłybinia jakoj była ŭsiaho pa kalena.
U niejki momant jamu stała drenna, i jon straciŭ prytomnaść. Upaŭšy ŭ vadu, mužčyna nie zmoh samastojna padniacca i zachłynuŭsia.
Pavodle infarmacyi ratavalnikaŭ, ciačeńnie adniesła cieła prykładna na 6 mietraŭ ad bieraha. Vadałaz znajšoŭ jaho bolš čym praź piać hadzin paśla zdareńnia na hłybini kala troch mietraŭ.
Jak adznačajuć śpiecyjalisty, trahiedyi mahło b nie adbycca, kali b miesca adpačynku było aficyjna abstalavana dla kupańnia i tam dziažuryli ratavalniki. Ale najbližejšy post byŭ na adlehłaści 16,5 kiłamietra.
Čytajcie taksama:
Žančyna sprabavała pierapłyści Pcič u Minskim rajonie, ale nie dała rady
15‑hadovy padletak patanuŭ pad Homielem
U Połackim rajonie mužčyna patanuŭ, vypaŭšy z matornaj łodki