Novy mastacki kiraŭnik Kupałaŭskaha teatra pracuje taksama ŭ Abchazii
Dźmitryj Akimaŭ u miascovym teatry stavić śpiektakl.
Dźmitryj Akimaŭ (u centry) ŭ Maładziožnym teatry Abchazii. Fota instagram.com/apsua_achar_theatre
Rasijski režysior Dźmitryj Akimaŭ, jaki staŭ mastackim kiraŭnikom biełaruskaha Nacyjanalnaha akademičnaha teatra imia Janki Kupały, adnačasova pracuje i ŭ niepryznanaj Respublicy Abchazija, piša «Lusterka».
Abchazski Dziaržaŭny ruski dramatyčny teatr imia Fazila Iskandera paviedamiŭ, što tam iduć repietycyi śpiektakla «Partret Daryjana Hreja» pavodle viadomaha ramana Oskara Uajlda. Režysioram-pastanoŭščykam novaj pastanoŭki vystupaje mienavita Dźmitryj Akimaŭ, a premjera zapłanavana na 18 śniežnia.
Letaś Akimava pavinšavaŭ z 40‑hodździem Abchazski dziaržaŭny maładziožny teatr.
Dźmitryj Akimaŭ staŭ novym mastackim kiraŭnikom Nacyjanalnaha akademičnaha teatra imia Janki Kupały, dzie śpiektakli iduć na biełaruskaj movie, u sakaviku. Na hetaj pasadzie jon źmianiŭ Volhu Niafiodavu, jakaja ŭznačalvała mastackuju častku teatra z 2020 hoda.