Stas Mytnik z Akute stvaryŭ solny prajekt — pasłuchajcie jaho debiutny trek
Vakalist i hitaryst Stanisłaŭ Mytnik, viadomy pa hrupie Akute, padzialiŭsia pieršym trekam svajho novaha solnaha prajekta Mytnik.
U adroźnieńnie ad zvykłaj užo biełaruskamoŭnaj liryki ŭ aŭtarstvie Stasa, pieśnia «Nie ŭtrymaŭsia» hučyć na ruskaj movie. Va ŭsim astatnim heta pa-raniejšamu sakavityja hitarnyja ryfy i ramantyčnyja teksty ŭ aksamitnym vakalnym hučańni.
Stas Mytnik. Fota: asabisty archiŭ.
U 2022 hodzie mahiloŭski hurt Akute vypuściŭ svoj šosty i na hety momant apošni albom «Napałovu tut». Niahledziačy na abiacanyja prychilnikam hastroli hrupa zalahła na dno.
Abaznanyja krynicy raspaviali «Našaj Nivie», što Akute ciapier na paŭzie. Siarod inšaha, jana źviazanaja z tym, što asnoŭny kaściak hurta pražyvaje ŭ roznych krainach. Stas zastajecca ŭ Biełarusi, a Raman Žyharaŭ znachodzicca ŭ Polščy. Tudy ž pierajechała i eks-bubnačka Vicky Fates, partyi jakoj siońnia možna pačuć u hrupie Biaz Nazvy.