Heta bolš padobna na zaharadny dom. Jak vyhladaje kvatera na 200 kvadrataŭ z terasaj u ŽK kala Dana Mall
Takija varyjanty, jak hetaja piacipakajovaja kvatera ahulnaj płoščaj bolš za dźvieście kvadratnych mietraŭ ź vielizarnaj terasaj, zaŭsiody pryciahvajuć uvahu. Jaje vystavili na prodaž u adnym z damoŭ žyłoha kompleksu «Majak Minska» kala Nacyjanalnaj biblijateki i handlovaha centra Dana Mall. Heta žytło z razradu nie dla ŭsich, ale jano abaviazkova znachodzić svajho pakupnika, piša Realt.
Heta dom № 3 na vulicy Piatra Mścisłaŭca. Usiaho ŭ im 25 pavierchaŭ, a pabudavany jon u 2015 hodzie, trochi bolš za dziesiać hadoŭ tamu. Da papularnaha TC Dana Mall — kala 700 mietraŭ, da stancyi mietro «Uschod» i Nacyjanalnaj biblijateki — trochi mienš za kiłamietr. Na takoj ža adlehłaści i jašče adzin handlovy centr — «Pieršy Nacyjanalny handlovy dom», dzie pradajuć samyja roznyja biełaruskija tavary.
Choć dom pabudavany ŭžo bolš za dziesiać hadoŭ tamu, padjezdy ŭ im vyhladajuć pa-raniejšamu achajna.
Na druhim paviersie pradajecca taja samaja kvatera. Jaje ahulnaja płošča — 216 kvadratnych mietraŭ, a žyłaja — 102 kvadraty.
Heta kvatera vykanana pa indyvidualnym dyzajnierskim prajekcie.
U kuchni, sumieščanaj z haścinaj, arhanizavana abiedziennaja zona, a taksama jość prastora dla adpačynku.
U spalni staić vialiki łožak, a plus da hetaha jość vydzielenaja pracoŭnaja zona. Tut ža — ułasny vanny pakoj i jomistaja harderobnaja.
Heta kvatera niezvyčajnaja jašče i tym, što tut try dziciačyja pakoi. U kožnym dziciačym pakoi jość paŭnavartasnaje spalnaje i pracoŭnaje miesca.
U sumieščanym sanvuźle ŭstalavana džakuzi abo dušavaja. Asobny pakoj — pralnia. Tam ustalavany pralnaja i sušylnaja mašyny.
Nu i asobnaja fiška hetaj kvatery — abstalavanaja terasa z naviesam.
Kaštuje takaja kvatera, jakaja svaimi prastorami bolš nahadvaje zaharadny dom, 1 780 000 rubloŭ, heta kala 616 tysiač dalaraŭ i 2 851 dalaraŭ za kvadrat pa kursie.