U Vilni źjaviŭsia novy anioł. Jaho zrabiŭ biełarus
U vilenskim rajonie Zarečča (Užupis), pobač z budynkam Vilenskaj akademii mastactvaŭ, ustalavali novuju skulpturu anioła pad nazvaj Hiraeth. Jaho stvaralnik — biełarus Andrej Łaŭrusienka.
Fota: orb0red / Instagram
Łaŭrusienka — vypusknik minskaj himnazii-kaledža mastactvaŭ imia I. V. Achremčyka. Z 2023 hoda jon praciahvaje svajo navučańnie ŭ Vilenskaj mastackaj akademii.
Nazva skulptury pachodzić ad valijskaha słova «hiraeth», jakoje aznačaje asablivy stan hłybokaj tuhi pa domie abo miescy, u jakoje ŭžo niemahčyma viarnucca.
Praca stała častkaj vystavy studentaŭ akademii, vystava z časam moža źmianiać svajo miesca ŭ horadzie.