Łatvija prapuściła aŭtamabili ź niejtralnaj pałasy, ale los miažy ź Biełaruśsiu pakul niavyznačany
Usie aŭtamabili, jakija bolš za sutki zastavalisia na niejtralnaj pałasie kala łatvijskaha punkta propusku Paternijeki (ź biełaruskaha boku — Hryharoŭščyna), u vyniku byli aformleny i prapuščany na terytoryju ES, paviedamiŭ kanał Infotrans Media Belarus.
Ruch praz adziny pracoŭny pierachod na biełaruska-łatvijskaj miažy byŭ prypynieny ŭviečary 31 lipienia. Miascovyja ŭłady patłumačyli heta techničnym zbojem, adnak krynicy Infotrans Media Belarus śćviardžajuć, što ŭsie sistemy pracujuć, a susiedniaja kraina zakryła miažu ŭ ručnym režymie.
Dalejšy los pierachodu budzie vyrašacca ŭładami: u paniadziełak, 3 žniŭnia, Siejm Łatvii praviadzie pasiadžeńnie, dzie abmiarkuje budučy režym pracy miažy.
U apošni čas Łatvija adčuła rost mihracyjnaj płyni z boku Biełarusi. Na hetym fonie susiedniaja Litva ŭžo anansavała mahčymaje źjaŭleńnie pahraničnych pastoŭ na darohach z Łatvijaj, kab pierachoplivać nielehalnych mihrantaŭ.