Premjer-ministr Armienii Nikoł Pašynian padaŭ u adstaŭku. Heta farmalnaść
Premjer-ministr Armienii Nikoł Pašynian abviaściŭ pra adstaŭku ŭrada 2 žniŭnia, u pieršy dzień pracy Nacyjanalnaha Schodu krainy dziaviataha sklikańnia. Hetaja pracedura źjaŭlajecca farmalnaściu, praduhledžanaj Kanstytucyjaj Armienii pry farmiravańni novaha składu parłamienta.
Nikoł Pašynian. Fota: Dmitry Astakhov, Sputnik, Government Pool Photo via AP
Da pryznačeńnia novaha kabinieta ministraŭ usie členy ŭrada praciahvajuć vykonvać svaje abaviazki. Pavodle asnoŭnaha zakona, prezident Armienii pryznačaje premjer-ministra pa pradstaŭleńni parłamienckaj bolšaści.
Partyja Pašyniana «Hramadzianski dahavor» nabrała na minułych vybarach 49,7% hałasoŭ i atrymała prava adnaasobna sfarmiravać urad. Čakajecca, što Nikoł Pašynian u bližejšy čas znoŭ aficyjna ačolić kabiniet ministraŭ.