Pamior muzyka Siarhiej Adamovič

Pamior Siarhiej Adamovič — biełaruski bas-hitaryst, viadomy pa ŭdziele ŭ šmatlikich muzyčnych prajektach. Pra jaho śmierć paviedamili ŭ tematyčnaj supołcy ŭ Threads.

Siarhiej Adamovič. Fota: facebook.com/adamovichbass

Siarhiej Adamovič naradziŭsia ŭ Vaŭkavysku, skončyŭ u hetym horadzie siaredniuju škołu №6. Paśla pastupiŭ u Hrodzienski kaledž mastactvaŭ na śpiecyjalnaść «bas-hitaryst».

Adamovič mieŭ vializny dośvied pracy ź viadomymi kalektyvami: bih-bend Hrodzienskaj fiłarmonii pad kiraŭnictvam Barysa Miahkova, Inter-Show Orkestr Barys Antonenka, OpTeamist Project, CherMen (sympho rock), Benny D'Art (acoustic quartet) i mnohija inšyja muzyčnyja prajekty. Siarod inšaha hraŭ u hurtach Stoptime band, «Amplituda śmiełaści». Apošnim časam byŭ udzielnikam kavier-benda Chili Cover Band.

Vystupaŭ u efirach radyjo i telebačańnia, byŭ udzielnikam televizijnych prajektaŭ «Estradny kaktejl» (telekanał ANT), «Zorny rynh» na STB i inš.

U jakaści studyjnaha siesijnaha muzykanta vystupaŭ na roznych kancertnych placoŭkach ź viadomymi biełaruskimi (i nie tolki) artystami: Nadziejaj Mikulič, Hiunieš, hrupaj NAVI, u składzie f́južn priekta Stop time vystupaŭ na roznych mižnarodnych džaz-festach: Klaipeda jazz, Siauliai jazz, Augustow jazz, Grodno jazz i inšych.

Kamientary da artykuła