Na pčalniku pad Viciebskam miadźviedź sprabavaŭ zabrać adzin z vulloŭ z saboj u les

Na pčalniku Voranaŭskaha laśnictva ŭ vioscy Pieravoz Viciebskaha rajona niekalki razoŭ pabyvaŭ niezvyčajny złodziej. Ad jaho ŭžo nieadnarazova paciarpieli vulli z pčołami, paviedamlaje vydańnie «Vićbičy».

Skrynšot ź videa

Paśla pieršaha napadu na pčalnik, dzie znachodziacca 26 pčalinych siemjaŭ, rabotniki laśnictva pastavili fotapastku. Adnoj ź lipieńskich načej kamiera zafiksavała vinavataha — im byŭ małady miadźviedź.

Źvier raskryvaŭ vulli i łasavaŭsia miodam. Jak kažuć supracoŭniki laśnictva, choć miadźviedź jašče małady, siły ŭ jaho ŭžo dastatkova, kab łamać pčalinyja damki.

Padčas adnaho z nabiehaŭ jon navat pasprabavaŭ zabrać adzin z vulloŭ u les. Adnak daloka adnieści svaju zdabyču nie zdoleŭ i pakinuŭ jaje niepadalok ad pčalnika.

Kab zaścierahčy vulli ad novych vizitaŭ, najbližejšym časam na pčalniku płanujuć ustalavać śpiecyjalnuju pryładu dla adpužvańnia miadźviedzia.

Kamientary da artykuła