Rubia zajaviŭ pra płany ZŠA adnavić pieramovy Ukrainy i Rasii
«My taksama razumiejem, što ŭ abodvuch bakoŭ jość dastatkova vyraznyja «čyrvonyja linii», zajaviŭ dziaržsakratar ZŠA.
Marka Rubia. Fota: Chip Somodevilla/Getty Images
ZŠA majuć namier u bližejšyja tydni pasprabavać adnavić pieramoŭny praces pamiž Ukrainaj i Rasijaj, zajaviŭ dziaržsakratar Marka Rubia ŭ efiry Fox News.
Pavodle jaho słoŭ, amierykanski bok raspačnie dypłamatyčnyja namahańni, kab vyśvietlić mahčymaść viartańnia bakoŭ za stoł pieramovaŭ.
Pry hetym jon adznačyŭ, što dasiahnieńniu pahadnieńnia pieraškadžajuć žorstkija «čyrvonyja linii», jakija zachoŭvajucca ŭ abodvuch bakoŭ kanfliktu.
«My taksama razumiejem, što ŭ abodvuch bakoŭ jość dastatkova vyraznyja «čyrvonyja linii», i pakul nam nie ŭdasca krychu zblizić hetyja «čyrvonyja linii», my nie dasiahniem žadanaha vyniku. Ale my hatovyja da hetaha», — skazaŭ jon.