FIFA choča pavialičyć kolkaść zbornych na mundyjali da 64‑ch
FIFA razhladaje mahčymaść pavieličeńnia kolkaści ŭdzielnikaŭ čempijanatu śvietu pa futbole ź ciapierašnich 48 da 64 zbornych. Źmieny mohuć być uviedzienyja ŭžo na turniry 2030 hoda.
Prezident FIFA Džani Infancina na čempijanacie śvietu 2026 hoda. Fota: AP Photo / Andre Penner
Pavodle dakumienta, ź jakim aznajomiłasia ahienctva Reuters, FIFA płanuje pryciahnuć niezaležnuju arhanizacyju, jakaja pavinna acanić, jak pavieličeńnie kolkaści kamandaŭ paŭpłyvaje na farmat spabornictvaŭ, jaho arhanizacyju i inšyja važnyja aśpiekty praviadzieńnia čempijanatu śvietu.
Pytańnie ab mahčymym pašyreńni ŭžo abmiarkoŭvajecca ŭnutry FIFA. Amierykanski telekanał ESPN taksama paviedamiŭ, što arhanizacyja razhladaje roznyja varyjanty dalejšaha raźvićcia suśvietnaha pieršynstva.
Z 2026 hoda ŭ finalnaj častcy čempijanatu śvietu ŭdzielničajuć 48 nacyjanalnych zbornych. Kali novaja prapanova budzie ŭchvalenaja, na turniry 2030 hoda ich kolkaść moža vyraści da 64.
Čempijanat śvietu 2030 hoda projdzie ŭ Ispanii, Partuhalii i Maroka. Kančatkovaje rašeńnie ab mahčymym pašyreńni turniru FIFA płanuje pryniać paśla praviadzieńnia daśledavańnia i adpaviednych kansultacyj.
Čytajcie taksama:
UEFA adnahałosna vyrašyŭ bajkatavać turniry FIFA, kali realizujucca płany Infancina
Prezident FIFA choča padzialicca pravami na mundyjal ź blizkimi da Trampa pryvatnymi inviestarami
Dachody FIFA ad praviadzieńnia čempijanatu śvietu 2026 hoda składuć rekordnyja $15 młrd