U Minsku mantujuć hrandyjozny akvapark na vadzie amal na 2000 kvadratnych mietraŭ

U časy sacsietak ad minčukoŭ niemahčyma ničoha schavać. Jak tolki ŭ horadzie pačynajecca niejki ruch, u Threads tut ža pačynajuć heta abmiarkoŭvać. Voś i źjaŭleńnie horki na Cnianskim vadaschoviščy nie zastałosia niezaŭvažanym, piša «Anłajnier».

Fota: threads.com/@viking_ach

«Źbirajuć akvapark. «Paŭnočny bierah» nie pierastaje ździŭlać»;

«U «Paŭnočnym Bierazie» ŭstaloŭvajuć akvapark», — padzialilisia zdymkami ź miesca ŭstanoŭki debiutnych nadzimanych horak adrazu dźvie žycharki stalicy.

Fota: threads.com/@viking_ach

Nadzimanyja haradki na vadzie — daŭniaja i vydatnaja zabava. Praŭda, čahości uražlivaha u miežach Minska raniej nie było (niahledziačy na najaŭnaść prydatnych vadajomaŭ). I voś źjavilisia bieła-sinija «majaki». Nieŭzabavie i praŭda ŭsie tut zmohuć kupacca i zabaŭlacca?

Fota: threads.com/@viking_ach

«Paŭnočny Bierah» praciahvaje zadavać trendy ŭ deviełapmiencie, raźvivajučy ŭnikalnuju dla krainy spartyŭna-rekreacyjnuju infrastrukturu. Na hety momant u kompleksie ažyćciaŭlajecca mantaž samaha vialikaha ŭ Biełarusi akvaparka na vadzie, jaki raźmieścicca na terytoryi «Łejksajd parka».

Płošča akvaparka składzie kala 2000 kvadratnych mietraŭ.

Fota: threads.com/@viking_ach

Karystacca akvaparkam na vadzie budzie dazvolena darosłym i dzieciam ad 6 hadoŭ i rostam ad 120 santymietraŭ u supravadžeńni darosłych. Abmiežavańnie pa vazie dla adnaho čałavieka — 150 kiłahramaŭ. Adkryćcio płanujecca ŭžo hetym letam», — prakamientavali «Anłajnieru» ŭ kampanii «Ryviersajd Deviełapmient Limited».

Zabava budzie płatnaj. Kankretnyja sumy stanuć viadomyja paźniej.

Kamientary da artykuła