Biełaruś i Rasiju adchilili ad mižnarodnaha chakieja i na nastupny hod

Biełaruś i Rasiju znoŭ nie dapuścili da mižnarodnych chakiejnych spabornictvaŭ pad ehidaj Mižnarodnaj fiederacyi chakieja (IIHF) u siezonie 2026/27. Rašeńnie było pryniata 30 lipienia paśla paŭtornaha razhladu zvarotaŭ biełaruskaj i rasijskaj chakiejnych fiederacyj.

Fota: IIHF

U IIHF zajavili, što asnoŭnymi pryčynami zastajucca sumnievy ŭ pytańniach biaśpieki, pravaparadku i, u asobnych vypadkach, spartyŭnaj sumlennaści.

Zbornaja Rasii nie budzie dapuščanaja da ŭsich pieraličanych mižnarodnych turniraŭ siezona 2026/27, za vyklučeńniem žanočaha čempijanatu śvietu. Pytańnie ab udziele rasijskaj žanočaj zbornaj u hetym turniry IIHF płanuje paŭtorna razhledzieć u listapadzie 2026 hoda z ulikam situacyi i acenki ryzyk na toj momant.

Što tyčycca Biełarusi, to na hety momant IIHF paćvierdziła niadopusk biełaruskaj zbornaj da mužčynskaha čempijanatu śvietu i maładziožnych spabornictvaŭ. Infarmacyi pra mahčymaść udziełu biełaruskich kamand u inšych turnirach pakul niama.

Mužčynski čempijanat śvietu 2027 hoda projdzie ŭ Hiermanii z 14 pa 30 maja. Matčy buduć prymać Manhiejm i Dziusieldorf.

Biełaruś i Rasija byli adchilenyja ad mižnarodnych chakiejnych spabornictvaŭ paśla pačatku poŭnamaštabnaha rasijskaha ŭvarvańnia va Ukrainu ŭ 2022 hodzie. Dla ich budučy čempijanat śvietu stanie ŭžo šostym zapar, jaki zbornyja prapuściać.

Kamientary da artykuła