U Łunincy chłopčyk addaŭ machlaram usie aščadžeńni maci

41‑hadovaja žycharka Łuninca źviarnułasia ŭ milicyju paśla taho, jak vyśvietliłasia, što nieviadomyja padmanam prymusili jaje 12‑hadovaha syna addać usie siamiejnyja aščadžeńni — kala 25 tysiač rubloŭ.

Zdymak ilustracyjny. Fota: magnific.com

Spačatku chłopčyku patelefanavaŭ nieviadomy z zamiežnaha numara i pradstaviŭsia supracoŭnikam pošty. Jon paviedamiŭ pra nibyta pasyłku i pierakanaŭ dzicia nazvać kod z SMS.

Paśla hetaha z chłopčykam źviazalisia ŭžo praź miesiendžary. Surazmoŭcy nazvalisia supracoŭnikami siłavych struktur i zajavili, što z-za pieradadzienaha koda siamja nibyta akazałasia datyčnaj da złačynstva. Jany zapałochali školnika tym, što jaho maci moža być pryciahnutaja da kryminalnaj adkaznaści.

Kab nibyta paźbiehnuć prablem, chłopčyku zahadali terminova pieradać usie najaŭnyja hrošy kurjeru. U vyniku dzicia addało kala 25 tysiač rubloŭ.

Kurjeram akazaŭsia 25‑hadovy žychar Minska, jaki sam staŭ achviaraj machlaroŭ. Złamyśniki pierakanali jaho, što jon pavinien dapamahčy pažyłoj žycharcy Łuninca, jakaja žyvie razam ź niepaŭnaletnim unukam. Małady čałaviek zabraŭ hrošy ŭ chłopčyka i advioz ich u nazvanaje machlarami miesca. Bolš za toje, tam jon pakinuŭ i ŭłasnyja aščadžeńni — kala 20 tysiač rubloŭ.

Pa fakcie machlarstva ŭ asabliva bujnym pamiery raspačataja kryminalnaja sprava.

Kamientary da artykuła