Kiroŭca aŭtamabila, jaki ŭrezaŭsia ŭ mikraaŭtobus ź biełaruskimi turystami ŭ Batumi, byŭ biez pravoŭ i pjany
U Batumi stali viadomyja novyja padrabiaznaści darožna-transpartnaha zdareńnia, u vyniku jakoha zahinuli mužčyna i žančyna ź Biełarusi, a jašče kala dziesiaci čałaviek atrymali traŭmy.
Na miescy avaryi. Fota: ajaratimes.ge
Pavodle infarmacyi miascovych ŚMI, pierad avaryjaj palicyja pačała pieraśled adnaho z aŭtamabilaŭ, kiroŭca jakoha ruchaŭsia ź vialikim pieravyšeńniem chutkaści. Mienavita padčas hetaj pahoni i adbyłosia sutyknieńnie.
Jak paviedamili dźvie niezaležnyja krynicy, kiroŭca znachodziŭsia ŭ stanie ałkaholnaha apjanieńnia. U Ministerstvie ŭnutranych spraŭ Hruzii paćvierdzili, što mužčyna sapraŭdy sieŭ za rul paśla ŭžyvańnia ałkaholu, jechaŭ na vysokaj chutkaści i pry hetym nie mieŭ paśviedčańnia kiroŭcy.
Avaryja adbyłasia 25 lipienia na skryžavańni vulic Harhiładze i Važa-Pšaveły ŭ Batumi. U vyniku zdareńnia dva čałavieki ź Biełarusi (42‑hadovaja Alena Sachackaja i 63‑hadovy Ihar) zahinuli na miescy, jašče kala dziesiaci atrymali ranieńni roznaj stupieni ciažkaści.
Pa fakcie avaryi viadziecca rasśledavańnie pavodle artykuła 276 Kryminalnaha kodeksa Hruzii, jaki datyčycca parušeńnia praviłaŭ biaśpieki darožnaha ruchu.
Čytajcie taksama:
Paciarpiełuju ŭ DTZ u Batumi biełarusku praapieravali, jana ŭžo doma
U avaryi ŭ Batumi zahinuli dvoje biełaruskich turystaŭ — 43‑hadovaja žančyna i 63‑hadovy mužčyna
U Batumi trapiŭ u avaryju mikraaŭtobus ź biełarusami. Dva čałavieki zahinuli