Šaściora paciarpiełych u DTZ pad Asipovičami vypisanyja sa špitala
Šaściora paciarpiełych u darožna-transpartnym zdareńni ŭ Asipovickim harnizonie vypisany z Hałoŭnaha vajskovaha kliničnaha miedycynskaha centra, paviedamiła Minabarony.
Prahnazujecca, što da kanca tydnia špital pakinie jašče adzin vajskoviec, jaki prachodzić słužbu pa kantrakcie.
Astatnija vajskoŭcy praciahvajuć lačeńnie i adnaŭleńnie ŭ Hałoŭnym vajskovym špitali.
U minułuju piatnicu kala 8:00 na 12‑m kiłamietry aŭtadarohi «Asipovičy — Baranavičy» 20‑hadovy šafior hruzavika MAZ na zakruhleńni darohi nie spraviŭsia z kiravańniem, i MAZ pierakuliŭsia. Pasažyry 21 i 26 hadoŭ, jakija znachodzilisia ŭ kuzavie aŭtamabila, zahinuli. Jašče 14 čałaviek dastaŭlenyja ŭ balnicu.
Čytajcie taksama:
Adzin z zahinułych siońnia vajskoŭcaŭ — 26‑hadovy minčuk Kirył. Što pra jaho viadoma
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska