Paciarpiełuju ŭ DTZ u Batumi biełarusku praapieravali, jana ŭžo doma
Biełarusy, jakija paśla avaryi 25 lipienia ŭ Batumi trapili ŭ Respublikanskuju kliničnuju lakarniu ŭ hetym horadzie, usie vypisanyja. Pra heta «Biełsatu» raspavioŭ doktar-traŭmatołah, doktar miedycynskich navuk David Mikiełaišvili.
Respublikanskaja kliničnaja balnica ŭ Batumi, Hruzija. Fota: brchospital.ge
«Jana pastupiła da nas u zdavalnialnym stanie, byŭ pierałom klučycy, — skazaŭ David Mikiełaišvili. — Praapieravaŭ, jana ŭžo doma ŭ Biełarusi».
Pavodle traŭmatołaha, apieracyja była standartnaj, biez uskładnieńniaŭ.
Mikraaŭtobus ź biełaruskimi turystami trapiŭ u DTZ u subotu ranicoju, kali ŭ jaho ŭrezałasia lehkavaja mašyna, što, pavodle papiarednich źviestak, jechała na vialikaj chutkaści. uciakajučy ad palicy. Paśla ŭdaru mikraaŭtobus pierakuliŭsia. Śviedki paviedamlali, što niekatoryja pasažyry vylecieli z sałonu. Na hetym mikraaŭtobusie biełaruskich turystaŭ vieźli z aeraportu ŭ hatel.
Paciarpiełych dastavili ŭ roznyja kliniki Batumi. U avaryi zahinuli dvoje biełaruskich hramadzianaŭ: 43‑hadovaja Alena Sachackaja i 63‑hadovy mužčyna.
Čytajcie taksama:
U avaryi ŭ Batumi zahinuli dvoje biełaruskich turystaŭ — 43‑hadovaja žančyna i 63‑hadovy mužčyna