Zialenski: My štodnia prosim prypynić vajnu, ale Pucin nie choča
«Mienavita tamu nieabchodna davać adpor, być rašučymi i mocnymi», — skazaŭ prezident Ukrainy.
Fota: telehram-kanał Uładzimira Zialenskaha
Ukraina imkniecca da miru, hetak ža, jak i prezident ZŠA Donald Tramp i jeŭrapiejcy, adnak rasijski dyktatar Uładzimir Pucin nie maje namieru spyniać vajnu. Pra heta zajaviŭ prezident Ukrainy ŭ intervju Fox News, piša UNIAN.
Zialenski adznačyŭ, što Kijeŭ praciahvaje nastojvać na spynieńni ahniu, jakoje mahło b adkryć šlach da kančatkovaha mirnaha ŭrehulavańnia, ale Pucin nie zacikaŭleny ni ŭ jakim dyjałohu. Jon dadaŭ, što apošni raz jany razmaŭlali ŭ 2020 hodzie.
«My chočam spynić hetuju vajnu. Prezident Tramp choča spynić hetuju vajnu, i jeŭrapiejcy chočuć jaje spynić. Pucin — nie. My kožny dzień zaklikajem spynić hetuju vajnu… damovicca chacia b ab časovym spynieńni ahniu i dać mahčymaść dypłamatam vieści pieramovy. Ale Pucin hetaha nie choča. Voś u čym prablema», — skazaŭ Zialenski.
Jon dadaŭ, što mienavita tamu nieabchodna davać adpor, być rašučymi i mocnymi.
Zialenski taksama zhadaŭ pra ŭdary pa terytoryi Rasii, adznačyŭšy, što Pucin hublaje inicyjatyvu ŭ vajnie.
«Pucin hublaje 30 tysiač sałdat u miesiac. Straty vialikija, ale jon nie choča spyniać hetuju vajnu. Tamu ciapier inicyjatyva ŭžo nie ŭ rukach Pucina», — zajaviŭ jon.
Pavodle słoŭ Zialenskaha, Ukraina taksama raźličvaje na sankcyi, i zakonaprajekt, padrychtavany niabožčykam sienataram Lindsi Hremam, maje vielmi važnaje značeńnie.