Harnałyžny kompleks «Łahojsk» z treciaha razu pradali na aŭkcyjonie
Harnałyžny spartyŭna-azdaraŭlenčy kompleks «Łahojsk», jaki prypyniŭ svaju pracu z krasavika, znajšoŭ novaha ŭłaśnika.
Aŭkcyjon prajšoŭ 23 lipienia z treciaj sproby — pieršyja dźvie nie adbylisia praz adsutnaść zajavak.
Pieršapačatkova kompleks vystaŭlaŭsia za 23,2 miljona rubloŭ, ale da trecich tarhoŭ startuje košt źnizili da 13,9 miljona.
U vyniku finalnaja staŭka dasiahnuła 19,6 młn rubla (kala $6,8 młn u ekvivalencie).
Zhodna z umovami prodažu, novy pakupnik abaviazany vypłacić usiu sumu ciaham 20 dzion, paśla čaho majomaść aficyjna piarojdzie va ŭłasnaść.
Hałoŭnaje patrabavańnie da novaha haspadara — zachavańnie metavaha pryznačeńnia abjekta i zabieśpiačeńnie jaho dastupnaści dla naviedvalnikaŭ usich katehoryj.
Chto staŭ novym ułaśnikam, nie nazyvajecca.