Padčas «Minskaha tryjatłonu» čatyroch udzielnikaŭ ratavali ŭ vadzie
Padčas spabornictvaŭ «Minski tryjatłon — 2026», jakija prachodzili 25‑26 lipienia, supracoŭniki Biełaruskaha tavarystva ratavańnia na vodach akazali dapamohu čatyrom udzielnikam zapłyvu, jaki pravodziŭsia na vadaschoviščy Drazdy.
Padčas zapłyvu. Fota: BiełTA
Adna z udzielnic padčas znachodžańnia ŭ vadzie padniała ruku, padaŭšy sihnał, što joj stała drenna. Paśla taho jak jaje dastavili na bierah, miedyki chutkaj dapamohi dyjahnastavali ŭ žančyny hipiertaničny kryz.
Taksama ratavalniki dapamahli trom mužčynam. Dvoje ź ich sami paśpieli paviedamić, što majuć patrebu ŭ dapamozie. Treci ŭžo nie moh utrymlivacca na pavierchni vady.
Jak paviedamiła pradstaŭnica Tavarystva ratavańnia na vodach Nika Bajalskaja, mužčyna znachodziŭsia na śpinie, u jaho naziralisia sutarhi nižnich kaniečnaściaŭ. Usich paciarpiełych apieratyŭna dastali z vady i dastavili na bierah, dzie im akazali nieabchodnuju dapamohu.