Paŭłu Mickieviču, jaki źjechaŭ ź Biełarusi jašče ŭ 2000-ch, zavočna prysudzili piać hadoŭ kałonii
Jon uznačalvaje polski fond «Akno na Uschod».
Pavieł Mickievič. Fota: facebook.com
27 lipienia Hrodzienski abłasny sud vynies prysud u ramkach śpiecvytvorčaści — heta značyć zavočna — Paŭłu Mickieviču. Jaho pryznali vinavatym pavodle dvuch artykułaŭ Kryminalnaha kodeksa: «dyskredytacyja Respubliki Biełaruś» (art. 369-1) i «sadziejničańnie ekstremisckaj dziejnaści, učynienaje paŭtorna hrupaj asob pa papiaredniaj zmovie» (č. 2 art. 361-4).
Pa pieršym artykule Mickieviču pryznačyli 3 hady pazbaŭleńnia voli, pa druhim — 5 hadoŭ. Kančatkova jon atrymaŭ 5 hadoŭ kałonii sa štrafam 500 bazavych vieličyń (22 500 rubloŭ).
Pavieł Mickievič źjechaŭ ź Biełarusi bolš za 20 hadoŭ tamu. U 2008 hodzie jon zasnavaŭ u Polščy fond «Okno na Wschód» («Akno na Uschod»), dzie ciapier uznačalvaje praŭleńnie. Apošnimi hadami adzin z hałoŭnych kirunkaŭ pracy arhanizacyi — dapamoha pierasielenym biełarusam.