Ukrainskuju paru žorstka źbili va Urocłavie. Pryčynaj, pavodle ich, stała ŭkrainskaja mova
U polskim Urocłavie adbyŭsia napad na maładych chłopca i dziaŭčynu z Ukrainy, u vyniku čaho jany apynulisia ŭ balnicy.
Jak paviedamiła maci paciarpiełaj Karyna Kicaj, kanflikt uspychnuŭ u niadzielu, 26 lipienia, paśla taho, jak napadniki pačuli ŭ kramie ŭkrainskuju movu.
Na vulicy da pary padbiehli troje maładych ludziej i pačali bić ukraincaŭ kułakami i nahami. Pavodle svajakoŭ, dziaŭčyna atrymała traŭmy — paškodžana vucha, rany na šyi, miedykam pryjšłosia nakładvać švy.
Śviedka zdareńnia zafiksavaŭ napad na videa, dziakujučy čamu zdareńnie atrymała značnuju ahałosku.
Palicyi Urocłava paćvierdziła fakt incydentu i zajaviła, što pravaachoŭniki rasśledujuć zdareńnie jak napad, učynieny na hlebie nacyjanalnaj nianaviści.