Dziaŭčynie zachaciełasia ŭziać sabie trajnoje proźvišča, dzie dva — proźviščy dvuch mužoŭ
Što adkazali ŭ ZAHSie?
Dziaŭčyna chacieła nasić patrojnaje proźvišča: padvojnaje jana atrymała ŭ pieršym šlubie, a jašče adno chacieła dadać u druhim, piša «Biarezinskaja panarama».
Z pytańniem pra proźvišča da načalnika adździeła ZAHS Biarezinskaha rajvykankama Natalli Biełavus źviarnuŭsia budučy muž.
— Padali zajavu ŭ ZAHS na rehistracyju šlubu, žonka zachacieła nasić patrojnaje proźvišča, ale joj admovili. Niaŭžo heta pravilna? U jaje ciapier pa pašparcie padvojnaje proźvišča (ad papiaredniaha šlubu), i my čuli, što pavodle našaha zakanadaŭstva pry rehistracyi šlubu možna brać padvojnaje proźvišča. A kali ŭličyć, što ŭ jaje ciapier padvojnaje proźvišča i plus majo. Nu, to-bok možna tady…
Adnak adkaz śpiecyjalista byŭ adnaznačnym: tak nielha. Pry rehistracyi šlubu možna vybrać ahulnaje proźvišča, pakinuć papiaredniaje abo ŭziać padvojnaje. Darečy, kali padvojnaje proźvišča płanujuć brać muž i žonka, jany pavinny pamiž saboj damovicca, jakaja častka budzie pieršaj.
— Złučeńnie bolš čym dvuch proźviščaŭ nie dapuskajecca. Kali da ŭstupleńnia ŭ šlub vaša žonka ŭžo mieła padvojnaje proźvišča, to ź jaje zhody budzie vyznačacca, ź jakoj składovaj častki dašlubnaha proźvišča budzie składacca novaje proźvišča. Ahulnaje proźvišča sužencaŭ moža składacca nie bolš čym z dvuch proźviščaŭ, złučanych pry napisańni defisam, — patłumačyła Natalla Biełavus.
Prysvajeńnie patrojnaha proźvišča pry zaklučeńni šlubu zakanadaŭstvam nie praduhledžana.