Valfovič pra ideju adpraŭlać ahraryjaŭ-niedarek u vojska: Heta budzie spryjać uborcy chleba
«Varta adnaho-dvuch darmajedaŭ zabrać, pastavić u stroj dla vychavańnia…»
Alaksandr Valfovič. Fota: BiełTA
Dziaržsakratar Rady biaśpieki Alaksandr Valfovič ličyć, što adpraŭlać niadbajnych ahraryjaŭ u vojska — dobraja ideja.
«Varta adnaho-dvuch darmajedaŭ zabrać, pastavić u stroj dla vychavańnia… Armija — heta, viadoma, nie kałonija dla vypraŭleńnia. Ale armija zaŭsiody pryvučała da dyscypliny.
Tam, dzie čałaviek u pahonach, raschlabanaść prosta niemahčymaja i niedapuščalnaja. Dumaju, heta budzie spryjać najhałoŭniejšaj mecie — vychavańniu našaha hramadstva, pryvučeńniu da dyscypliny i ŭborcy našaha chleba, našaha zdabytku na naležnym uzroŭni i, najpierš, u terminy»,
— skazaŭ jon u intervju kanału «Pieršy infarmacyjny».
Nahadajem, Alaksandr Łukašenka rasparadziŭsia adpraŭlać u armiju ŭsich, chto nie ŭmieje pracavać padčas žniva. Kiraŭnik administracyi Łukašenki Dźmitryj Kruty ŭžo zajaviŭ, što zbory dla niadbajnych ahraryjaŭ buduć doŭžycca 2‑3 miesiacy.
Čytajcie taksama:
Chrenin raskazaŭ, jak budzie vykonvacca zahad Łukašenki ab adpraŭcy ahraryjaŭ-niedarek u vojska
Łukašenka rasparadziŭsia adpraŭlać u armiju ŭsich, chto nie ŭmieje pracavać padčas žniva