Try samyja čystyja plažy Minska
Sanitarna-epidemijałahičnaja słužba Minska nazvała try samyja čystyja staličnyja plažy. Heta plaž № 8 Zasłaŭskaha vadaschovišča (Minskaha mora), plažy № 6 i № 7 vadaschovišča Drazdy.
Plaž na Minskim mory. Fota: Jandeks Karty
Tam z pačatku hetaha kupalnaha siezona nie zafiksavali nivodnaha parušeńnia sanitarnych norm.
Ciapier u Minsku pad pastajannym kantrolem sanitarnaj słužby znachodziacca 23 plažy ŭ piaci zonach adpačynku: vosiem — na Zasłaŭskim vadaschoviščy, šeść — na Drazdach, šeść — na Cnianskim vadaschoviščy, dva — na Krynicy i adzin — na Kamsamolskim voziery, piša BiełTA.
Tam aceńvajuć jakaść vady, u tym liku biaruć proby na ŭtrymańnie kišečnaj pałački.
Pa stanie na kaniec lipienia kupańnie dla dziaciej abmiežavana tolki na plažy № 2 Cnianskaha vadaschovišča. Darosłym tam kupacca možna.