Maršrutka pad Šumilinam vylecieła na sustrečnuju pałasu i ŭrezałasia ŭ aŭto. Adzin čałaviek zahinuŭ
Maršrutka i lehkavuška ŭśmiatku.
Miesca avaryi. Fota tut i dalej: MUS
Avaryja zdaryłasia 26 lipienia kala 13 hadzin u Šumilinskim rajonie na 6‑m km aŭtadarohi N-3950 «Obal — Połack». Pavodle papiaredniaj infarmacyi, 35‑hadovy kiroŭca mikraaŭtobusa Volkswagen vyjechaŭ na sustrečnuju pałasu i sutyknuŭsia z Renault, jaki jechaŭ nasustrač.
U vyniku zahinuła 57‑hadovaja pasažyrka lehkavuški. A 57‑hadovy kiroŭca Renault i troje pasažyraŭ maršrutki (im ad 32 da 38 hadoŭ) atrymali traŭmy, paviedamiła MUS.