Syn biełaruskich opiernych śpievakoŭ staŭ čempijonam śvietu pa fiechtavańni
32‑hadovy čech Alaksandr Šupienič, syn biełaruskich opiernych śpievakoŭ Ivana i Iryny, upieršyniu ŭ karjery vyjhraŭ čempijanat śvietu, piša «Trybuna».
U finale turniru ŭ Hankonhu Alaksandr nie pakinuŭ šancaŭ italjancu Filipa Maki (15:2).
Šupienič — syn biełaruskich opiernych śpievakoŭ Ivana i Iryny Šupieničaŭ, jakija ŭ svoj čas pierajechali ŭ Čechiju.
Raniej fiechtavalnik zavajoŭvaŭ bronzu Alimpijady-2020 i dvojčy stanaviŭsia bronzavym pryzioram čempijanatu Jeŭropy.