U vyniku ŭdaru «Iskanderami» pa vystavie ŭzbrajeńnia pad Kijevam zahinuli 10 čałaviek, 100 paranienyja
Vystava była sakretnaja, ale jaje anons byŭ zahadzia apublikavany.
Užo viadoma pra 10 zahinułych i 100 paciarpiełych u vyniku ŭdaru pa palihonie ŭ Kijeŭskaj vobłaści, paviedamiŭ hienieralny prakuror Rusłan Kraŭčanka.
Vystava była sakretnaja, ale jaje anons byŭ zahadzia apublikavany.
«Zaraz praciahvajecca vyratavalnaja apieracyja ŭ Kijeŭskaj vobłaści paśla ŭdaru rasijskich rakiet. Na hety momant viadoma pra dziasiatki paciarpiełych. Taksama viadoma, što, na žal, šeść čałaviek zahinuli. Maje spačuvańni rodnym i blizkim. Praciahvajecca vyśviatleńnie ŭsich abstavin i losu ludziej. Na miescy pracujuć usie nieabchodnyja słužby», — napisaŭ raniej u svaim telehram-kanale Uładzimir Zialenski.
Taksama siońnia byŭ atakavany Kijeŭ balistyčnymi rakietami. Było zapuščana kala 10 rakiet.