Siaredni zarobak vyras na 100 rubloŭ
Naličany siaredni zarobak (to-bok «brudnymi») za červień skłaŭ 3104,1 rubla, paviedamiŭ Biełstat.
U paraŭnańni z majem jon vyras na 100 rubloŭ (u pazaminułym miesiacy jon składaŭ 3003,5 rubla).
«Čystymi» zarobak u červieni budzie 2669,5 rubla, a kali brać siaredni kurs dalara za minuły miesiac, to 1108,7 dalara brudnymi i $953,5 čystymi.
U Minsku siaredni zarobak za červień brudnymi skłaŭ 4054,4 rubla, abo 3486,7 rubla čystymi. Heta 1448 dalaraŭ brudnymi i $1245,4 čystymi.
U mai siaredni zarobak brudnymi ŭ Biełarusi byŭ 3003,5 rubla, čystymi — 2583 rubli, abo $1081 brudnymi i $930 čystymi adpaviedna.
Miedyjanny zarobak u Biełarusi (pałova rabotnikaŭ atrymlivaje bolš za hetu sumu, pałova — mienš) za maj skłaŭ 2 314,9 rubla. Čystymi heta 1990,8 rubla.
Kali ž brać pa siarednim kursie dalara za maj, to atrymajecca $833 brudnymi i $717 čystymi.