Stvaralnikaŭ inicyjatyvy «Sumlennyja ludzi» pryznali «terarystami»
Razmova pra čatyroch čałaviek.
Stvaralnikaŭ i ŭdzielnikaŭ inicyjatyvy «Sumlennyja ludzi» ŭnieśli ŭ abnoŭleny śpis KDB asob, jakich biełaruskija ŭłady pryznajuć «terarystami».
Havorka idzie pra Alenu Žyvahłod (Žyłačkinu), Zarynu Sarokinu, Aleha Davydčyka i Cimafieja Małachoŭskaha.
Ich raniej abvinavacili pavodle artykułaŭ ab stvareńni «ekstremisckaha» farmiravańnia (častka 3 artykuła 361‑1 KK), abrazie Łukašenki (artykuł 368 KK), raspalvańni varožaści (artykuł 130 KK), paklopie na Łukašenku (artykuł 367 KK), dyskredytacyi Biełarusi (artykuł 369‑1 KK), a taksama ŭ zaklikach da dziejańniaŭ suprać nacyjanalnaj biaśpieki (artykuł 361 KK).
22 studzienia ich zavočna asudzili na 8‑10 hadoŭ pazbaŭleńnia voli.
U «śpis terarystaŭ» taksama ŭklučyli 57‑hadovuju ŭradženku Vińnicy Aksanu Valvačovu, jakuju ŭ Biełarusi asudzili za kamientary ŭ telehramie.