Učastak praśpiekta Dziaržynskaha ŭ Minsku častkova pierakryjuć

U Minsku časova abmiažujuć ruch transpartu pa niacotnym baku praśpiekta Dziaržynskaha ŭ suviazi z ramontnymi rabotami. Pra heta paviedamili ŭ Dziaržaŭtainśpiekcyi stalicy.

Zdymak ilustracyjny. Fota: Wikimedia Commons

Raboty buduć pravodzicca na ŭčastku ad vulicy Kasmanaŭtaŭ da vulicy Hurskaha. Płanujecca zamiena asfaltabietonnaha pakryćcia, a ramont budzie prachodzić u niekalki etapaŭ.

Z 6 pa 11 žniŭnia kožny dzień z 20:00 da 7:00 darožnyja słužby buduć frezavać staroje pakryćcio. Na hetym etapie poŭnych abmiežavańniaŭ dla ruchu nie budzie.

Z 10 pa 14 žniŭnia ŭ načny čas — z 22:00 da 7:00 — śpiecyjalisty pačnuć układvać nižnija słai novaha asfaltu. Hetyja raboty taksama buduć vykonvacca biez zakryćcia ruchu.

Častkovaje abmiežavańnie ruchu transpartu, za vyklučeńniem hramadskaha i śpiecyjalnaha, uviaduć z 23:00 14 žniŭnia da 01:30 15 žniŭnia. U hety čas pačniecca ŭkładka vierchniaha płasta darožnaha pakryćcia.

Poŭnaściu ruch usich vidaŭ transpartu na ŭčastku praśpiekta Dziaržynskaha ad vulicy Kasmanaŭtaŭ da vulicy Hurskaha budzie pierakryty z 01:30 15 žniŭnia da 12:00 16 žniŭnia.

DAI rekamiendavała kiroŭcam zahadzia ŭličvać hetyja abmiežavańni i vybirać inšyja maršruty ruchu.

Kamientary da artykuła