ES uzhadniŭ 21‑y pakiet sankcyj suprać Rasii
Jeŭrasajuz uzhadniŭ 21‑y pakiet sankcyj suprać Rasii, paviedamiła MZS Irłandyi, jakaja staršyniuje ŭ Radzie ES.
Fota: AP
«Hety pakiet jašče bolš nakiravany suprać krynic dachodaŭ Rasii, pieraškadžaje dziejnaści jaje cieniavoha fłotu i parušaje jaje łancužki pastavak», — napisała kiraŭnica viedamstva Chielen Makenci ŭ sacyjalnaj sietcy X.
Raniej vydańnie Politico paviedamiła, što Dublin prapanavaŭ «vyvieści pieramovy z tupiku», dazvoliŭšy jeŭrapiejskim kampanijam pieravozić rasijski ZPH (zvadkavany pryrodny haz) u trecija krainy da studzienia 2029 hoda, adnak zaklučeńnie novych kantraktaŭ pavinna być zabaroniena.
Roznahałośsi ŭ ES padčas abmierkavańnia novych sankcyj uźnikli z-za Hrecyi: Afiny aścierahalisia, što zabarona na pastaŭki rasijskaha ZPH jeŭrapiejskimi kampanijami ŭ trecija krainy pryviadzie da značnych strat.