Rubia i Łaŭroŭ praviali sustreču
Sustreča prajšła ŭ Manile na palach samitu ASIEAN (Asacyjacyi dziaržaŭ Paŭdniova-Ŭschodniaj Azii).
Fota: th Maryi Zacharavaj
Kiraŭnik MZS Rasii Siarhiej Łaŭroŭ i dziaržsakratar ZŠA Marka Rubia sustrelisia na palach mierapryjemstvaŭ ASIEAN na Filipinach. Fatahrafii i videa sustrečy apublikavała ŭ svaim Telegram-kanale aficyjnaja pradstaŭnica MZS Rasii Maryja Zacharava.
Napiaredadni Łaŭroŭ anansavaŭ sustreču z amierykanskim dziaržaŭnym sakratarom. Pavodle jaho słoŭ, jon płanavaŭ abmierkavać z Rubia, jaki «davoli nieadnaznačna kamientavaŭ vyniki sustrečy ŭ Ankorydžy» ŭ minułym hodzie, u tym liku pazicyju ZŠA adnosna ŭrehulavańnia kanfliktu va Ukrainie.
Siońniašniaja sustreča praciahvałasia kala paŭhadziny. Łaŭroŭ padčas sustrečy ź dziaržaŭnym sakratarom ZŠA Marka Rubia «davioŭ da amierykanskaha kalehi infarmacyju pra realnaje stanovišča spraŭ na linii bajavoha sudakranańnia», a taksama «akcentavaŭ niedapuščalnaść dalejšaha napampoŭvańnia» Ukrainy ŭzbrajeńniem i zajaviŭ pra «destabilizujučuju palityku jeŭrapiejskich krain». Pra heta havorycca ŭ zajavie MZS Rasii.
Heta była čaćviortaja dvuchbakovaja sustreča Łaŭrova i Rubia z 2025 hoda.
Jak adznačajecca ŭ zajavie, Łaŭroŭ «čarhovy raz paćvierdziŭ hatoŭnaść rasijskaha boku da palityka-dypłamatyčnaha ŭrehulavańnia kanfliktu» i «prychilnaść» prapanovam, jakija «byli vyłučanyja amierykanskim bokam» padčas sustrečy prezidentaŭ Uładzimira Pucina i Donalda Trampa na Alascy ŭ žniŭni minułaha hoda.
«Na jakija rasijski lidar daŭ svaju zhodu», — padkreślivajecca ŭ pres-relizie.
U červieni Rubia zajaŭlaŭ, što padčas samitu na Alascy abmiarkoŭvalisia «prapanovy, ale nie było dasiahnuta nijakich pahadnieńniaŭ». Pavodle jaho słoŭ, kali b u Ankorydžy ŭdałosia zaklučyć damoŭlenaści, bajavyja dziejańni va Ukrainie ŭžo byli b spynienyja, piša RBK.