U porcie Novarasijska zabaranili ruch sudnaŭ unačy

U hałoŭnym rasijskim porcie ŭ Novarasijsku ŭviali časovuju zabaronu na ruch sudnaŭ nočču — z poŭnačy da 5:00. Pavodle infarmacyi krynic u zbožžavaj halinie, na jakuju spasyłajecca Reuters, takoje rašeńnie pryniali paśla atak ukrainskich bieśpiłotnikaŭ.

Surazmoŭcy ahienctva śćviardžajuć, što rasparadžeńnie było pieradadziena vusna, biez aficyjnych dakumientaŭ. Pry hetym u astatni čas port praciahvaje pracavać u zvyčajnym režymie, a pahruzka i adpraŭka zbožža nie spyniajucca.

Ministerstva transpartu Rasii i administracyja porta pakul nie kamientavali hetyja źviestki.

Port Novarasijska — najbujniejšy ŭ Rasii i adzin z klučavych dla ekspartu zbožža: praź jaho prachodzić kala traciny ŭsich rasijskich pastavak hetaj pradukcyi za miažu.

Abmiežavańni ŭviedzienyja paśla taho, jak raniej u hetym miesiacy byli ŭzmocnienyja miery biaśpieki ŭ Azoŭskim mory i Kierčanskim pralivie. Adnačasova Novarasijsk razhladajecca jak mahčymy punkt, praź jaki moža pieranakiroŭvacca zbožža, što raniej adpraŭlałasia praz party Azoŭskaha mora.

Kamientary da artykuła