Minskaje «Dynama» pieramahło «Nieftčy» ŭ kvalifikacyi Lihi kanfierencyj, choć prajhravała 0:2
Minskaje futbolnaje «Dynama» z valavoj pieramohi pačało vystupleńnie ŭ druhim kvalifikacyjnym raŭndzie Lihi kanfierencyj, abyhraŭšy ŭ pieršym matčy azierbajdžanski «Nieftčy» ź likam 4:2.
Karen Vardanian zrabiŭ u hetym matčy dubl
Sustreča adbyłasia 22 lipienia ŭ Baku. Pačatak matča skłaŭsia dla minčukoŭ vielmi niaŭdała. Užo na 2‑j chvilinie haspadaroŭ napierad vyvieŭ Emin Machmudaŭ, a na 8‑j chvilinie paśla aŭtahoła Alaksandra Sialavy lik staŭ 2:0 na karyść «Nieftčy».
Adnak jašče da pierapynku «Dynama» zdoleła skaracić adstavańnie. Na 36‑j chvilinie vyznačyŭsia Karen Vardanian.
Adrazu paśla pierapynku minčuki zraŭniali lik: na 47‑j chvilinie hoł zabiŭ Jaŭhien Małaševič. Jašče praź dziesiać chvilin Vardanian aformiŭ dubl i vyvieŭ «Dynama» napierad. Kančatkovy vynik na 77‑j chvilinie ŭstanaviŭ Hułžyhit Ałykułaŭ.
U vyniku minskaje «Dynama» atrymała valavuju pieramohu ź likam 4:2, adyhraŭšy dva miačy paśla niaŭdałaha startu sustrečy.
Matč u adkaz pamiž kamandami adbudziecca 30 lipienia ŭ Bałharyi, na naminalna chatnim dla «Dynama» poli.
Čytajcie taksama:
Mižnarodnaja asacyjacyja spartyŭnaj presy nazvała dziesiać najlepšych futbalistaŭ čempijanatu śvietu
U biełaruski kłub pierachodzić hulać adzin z udzielnikaŭ niadaŭniaha mundyjalu
Stali viadomyja mahčymyja supierniki biełaruskich kłubaŭ u trecim raŭndzie Lihi kanfierencyj