U Biełarusi moža źjavicca maroziva sa smakam salonych ahurkoŭ — užo jość dyzajn upakoŭki
Usio pačynałasia z žartu.
Brend Feelin, jaki raniej adznačyŭsia ŭ internecie chutkim zapuskam maroziva sa smakam piva, ździviŭ biełarusaŭ čarhovaj navinkaj. Kampanija źbirajecca vypuścić jašče adzin niezvyčajny pradukt, pra što paviedamiŭ ich karparatyŭny akaŭnt u Threads, piša Blizko.by.
Na palicach mahazinaŭ nieŭzabavie moža źjavicca fruktovy lod sa smakam salonych ahurkoŭ. Raniej heta była tolki žart kampanii na 1 krasavika (jak i maroziva sa smakam chaładnika), adnak vytvorcy surjozna zadumalisia nad tym, kab realizavać ideju ŭ realnaści.
Užo raspracavany dyzajn abhortki — na miatna-biruzovym fonie z ustaŭkami koleru fuksii namalavanaja banka z ahurkami. Pradukt budzie nazyvacca «Ahurok era».