Aśpiranta BNTU zadnim dniom pazbavili prezidenckaj stypiendyi — bo trapiŭ pad palityčnuju kryminałku
Alaksandr Łukašenka i Uładzimir Karanik vyrašyli zabrać hrošy ŭ Juryja Kaściučenki, asudžanaha za «sadziejničańnie ekstremisckaj dziejnaści».
Juryj Kaściučenka
37‑hadovy aśpirant Biełaruskaha nacyjanalnaha techničnaha ŭniviersiteta Juryj Kaściučenka pazbaŭleny prezidenckaj stypiendyi. Adpaviednaje rašeńnie Respublikanskaj rady pa padtrymcy adoranaj i talenavitaj moładzi zaćvierdziŭ Alaksandr Łukašenka.
«Pazbavić Kaściučenku Juryja Alaksandraviča, aśpiranta Biełaruskaha nacyjanalnaha techničnaha ŭniviersiteta, prava na vypłatu stypiendyi prezidenta Respubliki Biełaruś aśpirantam na 2026 hod u suviazi z prysudam Minskaha haradskoha suda ad 24 krasavika 2026 hoda, jaki nabyŭ zakonnuju siłu 3 maja 2026 hoda», havorycca ŭ rašeńni, jakoje padpisaŭ staršynia rady Uładzimir Karanik.
Viasnoj 2026 hoda vykładčyka miechanika-technałahičnaha fakulteta BNTU Juryja Kaściučenku asudzili pa č. 1 i 2 art. 361‑4 Kryminalnaha kodeksa («sadziejničańnie ekstremisckaj dziejnaści»). Jon atrymaŭ chatniuju chimiju.
Admietna, što tolki zaraz, u lipieni 2026 hoda, Łukašenka zaćvierdziŭ vypłatu stypiendyj na druhi siemiestr 2025/2026 hoda, jaki ŭžo skončyŭsia. Pamier stypiendyi — 266,11 rubla.