Aŭtaškoły mohuć čakać źmieny
U aŭtaškołach mohuć źmianić prahramy navučańnia, kab źmienšyć kolkaść avaryj z novaśpiečanymi kiroŭcami.
Heta abmiarkoŭvali na pasiadžeńni Pastajannaj kamisii pa zabieśpiačeńni biaśpieki darožnaha ruchu pry Saŭminie.
U aŭtaškołach prapanujuć pavialičyć kolkaść hadzin praktyčnych zaniatkaŭ, vykarystoŭvać interaktyŭnyja navučalnyja trenažory, vučyć dziejańniam u ekstremalnych situacyjach.
Na pasiadžeńni abmiarkoŭvali taksama DTZ, jakija zdarajucca praz vychad dzikich žyvioł na darohi. Takija avaryi najčaściej zdarajucca z suboty pa paniadziełak.
Kab ich było mieniej, buduć aktyŭniej vykarystoŭvać roznyja inžyniernyja srodki, jakija nie dajuć žyviołam vychodzić na prajeznuju častku. Heta sietkavatyja aharodžy i sistemy adpužvańnia (śviatłavy, šumavyja, łaziernyja). Płanujuć stavić i bolš papiaredžańniaŭ dla kiroŭcaŭ.